ايه رايك فى جمال الفكر الحر
ايه رايك والخير بحماس بيشُر
ايه رايك والناس بتموت ... مالنصب عليها فعز الظهر
ايه رايك فى جمال المستقبل
اطفال سرطانك ... تستقبل
امراض الدنيا بقه فينا
وسلاح منزوع داخل سينا
اوعاك تيجى توصينا
على حلم ... اوعاك بجمالك تستهبل
ايه رأيك فى جمال الاقطاعي
تاتوة النجسة على دراعي
نقشوة فى زمان عبد الناصر
كان جرح قديم مؤلم غائر
ويعينى الشعب ماهوش واعي ...عايش والعيشة بدون داعي
ايه رايك فى جمال تل ابيب
اوعاك يا اّبا فاكرنى حخيب
واروح اتعاقد مع غزة
واشوف نفسى فى الجلابيب
ايه رأيك يا جمال التوريث
نفسى يا ابنى اشوفك داخل ليلة الدخله
بلدك راجل ملو هدومك
نفسى اشوفك مره عريس
سيبك من اعوان ابليس
سيبك مالعز واعوانه
مسير العر(ف) للتعريــــــــ(ف)
ما وضع بين الاقواس هو منعا لخدش الحياء
وعلشان منروحش فى داهية لامؤخذة